Një qytetar i identifikuar si Myftar Xhyra 49 vjeç është vënë në prangat e Policisë Kufitare të Kapshticës pasi tentoi të korruptonte policin duke i dhënë 500 lekë.
Arrestimi i tij u krye në flagrancë në fshatin Selcë e Poshtme-Pogradec. Ai tentoi të korruptojë me qëllim shmangien e procesit të skanimit të automjetit të tij.
Detaje të Policisë Kufitare Kapshticë:
Policia Kufitare godet një rast të mitdhënies. Tenton të korruptojë punonjësin e Policisë Kufitare, duke i ofruar ryshfet. Arrestohet në flagrancë një shtetas.
Specialistët e Sektorit të Hetimit, në Drejtorinë Vendore të Kufirit dhe Migracionit Korçë bënë arrestimin në flagrancë të shtetasit : Myftar Xhyra, 49 vjeç, banues në fshatin Selcë e Poshtme-Pogradec.
Shtetasi i mësipërm, ka tentuar të korruptojë duke i ofruar një kartëmonedhë 500 lekë, përgjegjësin e turnit në Pikën e Kalimit Kufitar të Kapshticës, me qëllim kryerjen e shpejtë të procedurave të kontrollit duke shmangur procesin e skanimit të automjetit të tij. Materialet i kaluan Prokurorisë të Rrethit Gjyqësor Korçë, për veprën penale: “Korrupsioni aktiv i personave që ushtrojnë funksione publike” parashikuar nga neni 244 i Kodit Penal.
(XH.A/SHUPLAKA)
Discussion about this post