Dorëheqja e Drejtorit të Patentave, zbardhet letra drejtuar Kryeministrit

Drejtori i Patentave Arben Isaraj është dorëhequr nda detyra që mbante.

Dorëheqaje e tij erdhi pas arrestimit të vëllait të tij Altin Isaraj për “trafikim të armëve dhe municioneve” dhe “shpërndarje të lëndëve narkotike”.

Mësohet se Arben Isaraj ka mbajtur dhe postin e zv. ministrit të Drejtësisë, ndërsa dorëheqja e tij është dorëzuar pak më parë tek Kryeministri Rama.

Faxweb.al, ka siguruar letrën që Isaraj i ka dërguar kryeministrit Rama dregon shkaqet e dorëheqjes.

“Ditën e shtunë më datë 21 tetor, vëllai im Altin Isaraj 47 vjeç është ndaluar, shoqëruar dhe referuar nga Policia e Shtetit në organin e Prokurorisë, për dy vepra penale.

Për të mos ndikuar direkt apo indirekt me pozicionin tim të lartë administrativ, në pavarësinë dhe dhënien e drejtësisë në Shqipëri, jap dorëheqjen nga pozicioni i drejtorit të Përgjithshëm të Transportit Rrugor”, shkruan Arben Isaraj, në letrën drejtuar kryeministrit Rama.

(B.B/ Faxweb.al)