Menjëherë pas dorëheqjes së ministrit të brenshëm Fatmir Xhafajt, deputeti i LSI-së Petrit Vasili ka reaguar në rrjetet sociale, duke thënë se Rama do të ikë turpshëm nga zyra e tij. Ai shton se ky kryeministër është pa të ardhme dhe i shplarë politikisht.
Reagimi i Vasilit:
Po ky kryeminister i shplare politikisht dhe moralisht, pa te shkuar dhe pa asnje te ardhme ç’ben akoma ne ate zyre. Apo sigurisht zvarritet edhe ca, per te ikur turpshem dhe pa asnje dinjitet sic vetem ai mund te iki.
Dorëheqja e Xhafajt ka qenë një vendim i papritur brenda radhëve të qeverisë, ndërsa kryeministri Rama ka gjetur dhe pasuesin e tij, do të jetë gjeneral Sandër Lleshi. Ky i fundit ka qenë këshilltari i kryeministrit Rama për çështjen e sigurisë kombëtare.
Xhafaj ka qenë një nga ministrat më të sulmuar të qeverisë Rama për shkak të dënimit të vëllait të tij për çështje droge në Itali.
Fatmir Xhafaj ka pasuar Saimir Tahirin në postin e ministrit të brendshëm, dhe ka qenë një nga personat që ka qenë pararojë e hartimit të Reformës në Drejtësi, duke mbajtur shumë poste të rëndësishme edhe brenda PS-së. Ai u emërua si ministër në Marsin e vitit të shkuar.
(E.K/FAXWEB.AL)
Discussion about this post