Sipas gazetarit dhe analistit Berat Buzhala, dorëheqja e Edi Ramës nga posti i kryeministrit është e pamjaftueshme për shkak se fuqia financiare e tij është aq e madhe sa është e pamundur për kënd tjetër që të fitojë zgjedhjet.
“Fuqia financiare e Ramës është aq e madhe, sa është e pamundur që dikush tjetër t’i fitojë zgjedhjet. Po flasim për miliarda euro në dispozicion të klanit të tij. Me miliarda euro në dispozicion, një subjekt politik do të trondiste skenën politike edhe në Gjermani, e jo më në Shqipërinë e varfër. Nuk e besoj që vetëm dorëheqja është e mjaftueshme, është minimum.”, është shprehur Buzhala.
Në intervistën e dhënë për “Koha Jonë”, ai ndan mendimin që Ilir Meta duhet t’i heqë stolin Ramës dhe ta denoncojë kryeministrin aventurier dhe të papërgjegjshëm që e trajton Shqipërinë si një fëmijë lodrën e tij.
Ai e cilëson kreun e Qeverisë si hipokrit duke renditur qëndrimin e Ramës ndaj Vuçiç, ndaj Erdoganit dhe presidentit të SHBA-ve, Donald Trump.
“Nuk duhet të ekzistojë asnjë dilemë që Meta duhet t’i heq stolin Ramës. Për më tepër duhet ta denoncojë atë. Rama është/ishte një kryeministër avanturier dhe i papërgjegjshëm. Në planin e brendshëm e shndërroi vendin në plantacion të drogës, kurse në planin e jashtëm ishte edhe më skandaloz. E shpalli mik personal Kryeministrin e Serbisë, Aleksandër Vucic, u bë kumbar i diktatorit në ardhje të Turqisë, Recep Taip Erdogan dhe e fundit, jo për nga rëndësia, per teke personale, i rrezikoi raportet e Shqipërisë me Shtetet e Bashkuara të Amerikës, duke dal hapur kundër Presidentit Trump. Rama do të mbahet në mend si Kryeministri më hipokrit në historinë e Shqipërisë. Thoshte në CNN se nuk e duronte Trumpin, për arsye parimore, gjoja që, sipas tij, Trump është nën nivelin e tolerancës së tij, kurse i futet në gji Erdoganit, që tashmë ka arrestuar secilën zë kritik. Kjo nuk do koment. Pra, Meta e ka obligim që të ngritët kundër tij. Meta për më tepër duhet të bëjë të qartë që në asnjë rrethanë nuk do të përkrah më, as pas zgjedhjeve të ardhshme, Ramën për kryeministër të Shqipërisë.”, ka theksuar më tej Buzhala.
Sipas këtij analisti, ambasadorët Lu dhe Vlahutin nuk mund të mbajnë peng Shqipërinë, ata janë thjesht njerëz që argëtohen me rolet e tyre dhe të joshur nga pushteti. (XH.A/SHUPLAKA)
