Dorëheqja e kryeministrit Italian ka shkaktuar reagime të mëdha dhe nga kampet politike shqiptare, por reagimi më i fortë ka qënë ai i ish-liderit të së djathtës Sali Berisha.
“Rama do jete viktima e radhës! Fati i mikut të vet e pret! Por pas humbjes Rama nuk do largohet nga kreu i PS”- ka deklaruar Berisha.
Më tej ai ka shkruar se “Mjerë socialistët, po mire ua bën, e meritojnë”, si dhe ka komentuar vendimin e Renzi-t, si një qëndrim prej shtetari të vërtetë.
”Ne Itali fiton thellë JO-ja! Efekti i parë madhor Trump në botë! -Mateo Renzi jep dorëheqjen por tregoi veten shtetar! -Italianët votuan kundër qeverisë dhe për dinjitetin e tyre! -Mateo Renzi jep dorëheqjen, tregoi veten shtetar. Në marrëdhëniet me Shqipërinë ai mbante qëndrim partiak! Rama do jetë viktima e radhës! Fati i mikut të vet e pret! Por pas humbjes Rama nuk do largohet nga kreu i PS. -Mjerë socialistët, po mire ua bën, e meritojnë!”, ka mbyllur Berisha.
