Nuk ka vonuar reagimi i parë i përfaqësuesve të Partisë Demokratike. Është Ervin Salianji, Sekretari për Aksionin Qytetar në Partinë Demokratike, i cili ka reaguar menjëherë pas lajmit ndërkohë që pritet një konferencë për shtyp e Tahirit.
Në reagimin e tij të shkurtër, ai shprehet se kjo dorëheqje është rënia e parë e një fruti të helmuar pas shkundes së fortë të qytetarëve.
Sipas tij, ky largim provon forcën që ka drejtësia e kauzës së lëvizjes mbarëpopullore, megjithatë nuk zgjidh asgjë “pasi një trup që i ka rrënjët të hedhura në helm prodhon po njësoj helme”.
Reagimi i Ervin Salianjit:
Lajmi per largimin e Tahirit eshte renia e pare e nje fruti te helmuar pas shkundjes se forte qe levizja qytetare i ben republikes se kalbur ne cdo qelize! Lajmi per largimin provon forcen qe ka drejtesia e kauzes se levizjes mbarepopullore; por nuk zgjidh asgje, nje trup qe rrenjet i ka te hedhura ne helm, banditizem, lidhje me krimin, inkriminim te institucioneve, vjedhje te pasurise publike, mashtrim do te prodhoje po njesoj helme per qytetaret! Perfolja si zevendesues me Niko Peleshin, i cili njihet per lidhjet e tij me disa banda famekeqe ne vend, tregon qe kjo qeveri me pahir prodhon vetem Tahire!
(XH.A/SHUPLAKA)
Discussion about this post