Ish-Presidenti i Republikës Bujar Nishani, ka komentuar dorëheqjen e Visho Ajazit nga posti i kreut të SHISH.
I ftuar në emisionin “FAKT’”, Nishani u shpreh se dorëheqja është një vendim personal,
“Unë ruaj vlerësimet e mia ndaj zotit Ajazi, gjakftohtësisë kurajës pavarësisht shantazheve politike, por në fund të fundit dorëheqja është një akt personal”, ka thënë ai.
Ndër të tjera ai shtoi se Ajazi ka pasur edhe presion të vazhdueshëm dhe shantazhe nga ana e mazhorancës.
“Kam pasur disa akte publike të sulmit politik që vinin nga parlamenti nga mazhoranca, për ta larguar nga shërbimi duke përhapur të pavërteta ‘fake informacione’. Kjo bëhej gjithmonë në formë presioni që të largohej kryetari i SHISH. Kam parë në disa raste vlerësime shumë të mëdha edhe për vetë zotin Ajazi nga partnerët tanë.
Për mua ishte e papritur. Sepse unë mendoja që SHISH të vazhdonte punën e konsoliduar’, u shpresh ish-presidenti Nishani.
(S.SH/Faxweb)
Discussion about this post