Kreu i Partisë Demokratikë, Lulzim Basha ka reaguar me një status në Facebook pas lajmit se ministri i Brendshëm Fatmir Xhafaj ka dhënë dorëheqjen nga ky post. Sipas tij largimi i të vetmit ministër në Evropë me vëllain trafikant droge është një hap tjetër i rëndësishëm në betejen e opozitës për pastrimin e politikës.
Ndërkohë Basha lajmëron se largimi i Xhafës është pikënisja e shkërmoqjes së një qeverie të korruptuar dhe të lidhur me krimin.
Postimi i i plotë:
Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit.
Discussion about this post