Përparim Daiu, drejtor i Spitalit të Kavajës ka bërë dy përgënjeshtrime pak minuta më parë në një lidhje telefonike me stuadion e lajmeve të Fax Neës.
Ai i tha gazetarit Enea Meksi se lajmet për dorëheqjen e tij janë spekulime pasi ai vazhdon detyrën, ndërsa për çështjen e karantinës që është përfolur se do të ngrihet në spitalin që ai drejton, ka thënë se nuk ka asnjë shkresë zyrtare nga Ministria e Shëndetësisë.
Ai ka bërë thirrje që qytetarët të qetësohen për këtë çështje, duke deklaruar me përgjegjësi sikurse tha Daiu, se nuk ka një autorizim apo shkresë ndaj isntitucionit që drejton se në Kavajë mund të ndërtohet karantina për personat e dyshuar si të prekur nga koronavirusi nëse do ketë raste të tilla.
“Tani në bazë të portaleve jam unë, por vazhdoi detyrën, nuk kam dhënë dorëheqjen, janë të pavërteta lajmet. Nga aludimet unë flas zyrtarisht, nuk ka asnjë shkresë zyrtare nga Ministeria e Shendetësisë që Spitali i Kavajës do të jetë karantinë. Ju flas me kompetencë dhe përgjegjësinë më të plotë. Nuk ka asnjë rast të paraqitur për koronavirus si i dyshuar, por masat janë marrë në përshtatje me këshillat e OBSH janë afishuar tabelat dhe posterat me këshilla. Ne nuk merremi me aludime, asnjë urdhër asnjë shkresë nuk ka ardhur, qytetarët të jenë të qetë. Spitali i Kavajës është në varësi të Ministrisë së Shëndetësisë që është edhe urdhëruese, por ju thashë që asnjë kërkesë dhe asnjë shkresë nuk ka ardhur për këtë çështje”, tha Daiu për Fax News.
(F.GJ/FAXWEB.AL)
Discussion about this post