Dorëhiqet kryetari i PS-së së Kavajës Gentian Daja. Gruaja e tij është një nga kandidatet e majta për kreun e bashkisë. Ai ka deklaruar se është dorëhequr që mos të ndikojë në zgjedhje.
Zgjedhjet në Kavajë vijnë pas shkarkimit të Elvis Rroshit.
Silvana Daja, bashkëshortja e kreut të PS-së në Kavajë, Gentian Daja do të jetë një nga 6 kandidatët e PS-së për zgjedhjet e pjesshme në këtë bashki.
Ky është vendimi i PS-së për zgjedhjet e pjesshme që do të mbahen pas shkarkimit të Elvis Rroshit. Ndërkohë, PD-ja ka deklaruar se do t’i bojkotojë këto zgjedhje.
Nga ana tjetër, Gentian Daja ka qënë një person i akuzuar nga PD-ja si trafikant droge, së bashku me Elvis Rroshin, ish-kreun e Bashkisë së Kavajës.
Njoftimin e bëri të ditur vetë Daja nëpërmjet një statusi në rrjetet sociale. Ai njofton se “fill pas mbledhjes së Asamblesë Socialiste të Kavajë, ku u propozuan 6 kandidatë për Kryetar Bashkie, një ndër ta ishte dhe bashkëshortja e tij, Silvana Daja.
“Miq, sapo mbaroi mbledhja e Asamblese Socialiste te Kavajes ku u propozuan 6 kandidate per Kryetar Bashkie nje nder te cilat edhe bashkeshortja ime Silvana Daja. Nisur nga ky propozim per te mos ndikuar jam i detyruar te dorehiqem nga detyra e Kryetarit te Partise Socialiste Kavaje. Dua te falenderoj perzemersisht te gjithe mbeshtetesit ne Kavaje, Golem, Synej, Luz i Vogel dhe Helmas. Gjithashtu nje falenderim per cdo fresshist, student, maturant, per cdo grua dhe cdo profesionist qe ka bere te mundur qe Ps ne Kavaje sot te jete nje parti me e mire. Bashke tani do jemi akoma me te forte. Ne 7 maj dhe ne 18 qershor do korrim fitore spektakolare sic e do zakoni.
(M.D/ Shuplaka)
