Kryeministri i Serbisë, Millosh Vuçeviç ka dhene doreheqjen nga posti I tij pas protestave masive te zhvilluara ne vend. Duke folur në një konferencë të jashtëzakonshme për gazetarët në Beograd, ai tha se presidenti i Serbisë, Aleksander Vuçiq, e ka pranuar vendimin e tij.
Dorëheqja vjen pas valës së protestave që kanë përfshirë Serbinë për më shumë se dy muaj. Mijëra studentë dhe qytetarë të tjerë kërkojnë përgjegjësi penale dhe politike për tragjedinë në qytetin e Novi Sadit, ku, më 1 nëntor të vitit të kaluar, 15 persona humbën jetën nga shembja e strehës në stacionin hekurudhor.
Presidenti i Serbisë, Vuçic, tha një ditë më herët se të gjitha kërkesat e tyre janë plotësuar. Gjatë atij fjalimi, ai kërkoi edhe ristrukturimin e Qeverisë së Serbisë, në krye të së cilës Vuçeviq ishte nga maji i vitit 2024.
Pasi që renditi ato që i cilësoi si suksese të Qeverisë së tij, Vuçeviq tha se ajo që hodhi hije të madhe mbi mandatin e tij, ishte ngjarja në Novi Sad.
“Që nga ai moment, Serbia sikur ka mbetur e ngujuar në atë fatkeqësi”, tha Vuçeviq. Ai paralajmëroi se gjatë ditës do të japë dorëheqje edhe kryetari i Novi Sadit, Millan Gjuriq.
“Me këtë i plotësojmë edhe kërkesat politike të një pjese të demonstruesve më ekstremë”, tha kryeministri i dorëhequr serb.
Studenët e universiteteve të Serbisë nisën dje një bllokadë 24-orëshe në Beograd, duke kërkuar përgjegjësi penale dhe politike për vdekjen e 15 personave nga shembja e strehës në Stacionin Hekurudhor në Novi Sad, më 1 nëntor të vitit të kaluar.
Ndërkohë disa media të tjera vendase bëjnë me dije se studentët e Fakultetit Filozofik në Novi Sad janë sulmuar fizikisht gjatë mbrëmjes se 27 janarit nga persona të panjohur të cilët kanë dalë nga ambientet e SNS-së, partia e Vuçiç.
