Matteo Renzi në një konferencë për shtyp të minutave të fundit ka deklaruar se dorëhiqet nga drejtimi i Partisë Demokratike të Italisë.
Renzi është shprehur se nuk mund të bashkëqeverisë në një koalicion me ekstremistët dhe se nuk dëshiron të bëhet pengesë e qeverisë së re.
Ish-kryeministri i Italisë dhe deri tani sekretar i përgjithshëm i PD, deklaroi se partia e tij do të qendrojë në opozitë duke u qëndruar parimeve siç u shpreh Renzi dhe duke mos bërë kompromise.
Ai lajmëroi se së shpejti do të ketë edhe zgjedhje brenda partisë.
Matteo Renzi u shpreh gjithashtu se ndihej krenar për punën e 5 viteve dhe rezultatin e zgjedhjeve dhe se në Parlamentin e Ri të Italisë do të jetë një senator i thjeshtë.
“Do t’i them ‘po’ çdo gjëje të mirë dhe ‘jo’ ekstremizmit për popullin Italian.” – u shpreh Renzi në konferencë.
(E.L/Faxweb)
Discussion about this post