OSBE në Tiranë ka reaguar lidhur me dorëzimin e mandatit nga ish-deputetit socialist Armando Prenga.
Misioni i OSBE bën thirrje që institucionet dhe qytetarët duhet të jenë vigjilentë ndaj të inkriminuarave në Kuvend.
Dje socialisti Prenga dorëzoi mandatin e deputetit. Me anë të një letre dërguar kreut të Kuvendit Ilir Meta, ai sqaroi dhe arsyet e dorëheqjes. Në letrën e tij thuhej se vendimi u mor për qetësinë e tij dhe të familjes, ndërsa i konsideroi shpifje dhe të padrejta deklaratat e opozitës për të.
Prokuroria ka kërkuar ndërprerjen e menjëhershme të mandatit të deputetit Armando Prenga më 15.02.2017, pasi ky i fundit nuk ka respektuar kërkesat për plotësimin e të dhënave, në kuadër të ligjit të Dekriminalizimit, duke mos deklaruar një dënim të formës së prerë nga Gjykata e Kurbinit, si edhe precedentët penalë në Itali.
Lidhur me këtë çështje sot reagoi edhe Ambasada e SHBA-ve, e cila mirëpriti largimin e ish-deputetit të Partisë Socialiste, Armando Prenga nga Parlamenti, një ditë pasi ai njoftoi me anë të një letre drejtuar Kuvendit, dorëzimin vullnetar të mandatit. Ambasada amerikane deklaroi se personat me dosje penale nuk duhet të kenë më vend në Kuvend. (M.D/ Shuplaka)
Discussion about this post