Kreu i Kuvendit, Gramoz Ruçi, në një bashkëbisedim me gazetarët me rastin e “Ditës së Europës” është pyetur për dorëzimin e mandatit të deputetit nga Saimir Tahiri.
Ruçi ka thënë se Tahiri ka bërë një veprim të paprecedentë në 27 vite parlament.
Sipas Ruçit, ky gjest duhet përshëndetur, teksa ka shtuar se tashmë e ka në dorë Prokuroria e Krimeve të Rënda të provojë akuzat kundër tij.
“Parlamenti shqiptar në asnjë rast nuk ka pasur të tillë, asnjë s’e ka lënë mandatin. Është rasti i parë që duhet t’ja kemi mirëpritur dhe është i vlerësuar. Në rastin konkret. Dhe këtu e përmendja se i famshmi Curcill; Politika s’ka moral. Ndaj brenda politikës ka moral.
Dorëheqja e Tahirit vazhdon të ngelet ky moral brenda imoralitetit. Rasti në fjalë është për t’u përshëndetur, për t’u mirëpritur. Sa i takon akuzës, ajo ngelet ta hetojnë prokuroria dhe ish-deputeti përpara organeve të drejtësisë.”-ka thënë Ruçi.
(F.G/Faxweb.al)
Discussion about this post