Mbrëmjen e djeshme një qyteti i Skraparit është tèrrorizuar nga të shtènat me ármë. Burime bëjnë me dije se një person, i cili dyshohet se ka probleme të shëndetit mèndor ka qëlluar me ármë AK47 fëmijët që po luanin dhe po sipas tij po bënin zhurmë.
Fatmirësisht nuk është lènduar asnjë prej fëmijëve, ndërkohë që drejt Skraparit u nis dhe një grup i RENEA-s për të negociuar me personin në fjalë, i cili ka qëlluar me ármë dhe në drejtim të polícisë.
Mësohet se shtetasi në fjalë është Hasan Hoxha, i cili është vetëdorëzuar së bashku me të vëllanë e tij pas rreth 4 orësh negociatash me efektivët. Ai do të merret në pyetje, dhe do të hetohet dhe gjendja e tij shëndetësore, nëse ka pasur realisht probleme.
“Ndërhyrja e Reneas vë në pranga personin që qëlloi me armë në ajër dhe më pas Policinë. Sekuestrohet arma e zjarrit kallashnikov dhe një sasi municioni luftarak.
Rreth orës 01:00 të datës 29.04.2020, forcat speciale “Renea” kanë vënë në pranga shtetasin H. H., 57 vjeç, banues në lagjen ”5 Shtatori”, Skrapar.
Ky shtetas, në orët e mbrëmjes së djeshme, në katin e parë të një pallati, ka qëlluar në ajër me armë zjarri dhe më pas kur ka parë shërbimet e Policisë ka qëlluar edhe në drejtim të tyre. Më vonë, ky shtetas u fut në banesë dhe nuk iu përgjigj thirrjeve të Policisë për t’u dorëzuar.
Shërbimet e Policisë morën masa sigurie dhe rrethuan pallatin. Në ndihmë të Policisë vendore shkuan shërbimet e Drejtorisë Vendore të Policisë Berat dhe më pas forcat speciale “Renea”.
Pas ndërhyrjes së forcave speciale “Renea” u bë e mundur vënia në pranga e 57-vjeçarit dhe u sekuestrua edhe arma kallashnikov, bashkë me një sasi municioni. Materialet i kaluan Prokurorisë, për veprime të mëtejshme”, njofton policia. (E.K/Faxweb.al)
