Ka vijuar aksioni i IKMT-së në zonën e Radhimës në Vlorë, ku që prej orëve të para të mëngjesit forca të shumta kanë realizuar prishjen e disa moleve të bizneseve.
Mes objekteve që janë shembur janë dhe ato ku gjatë ditës së djeshme pati një qendresë nga ana e banorëve, të cilët sot janë mbajtur larg aksionit nga ana e forcave të FNSH-së.
Për të inspektuar këtë aksion të prishjeve në Jug të vendit, në qytetin e Vlorës ka mbërritur sot dhe Dallëndyshe Bici, drejtoresha e Inspektoriatit Kombëtar të Mbrojtjes së Territorit.
Banorët duket të pafuqishëm për të mbrojtur objektet e tyre, dhe bizneset, për të cilat dje thanë se do të sakrifikonin edhe jetët e tyre.
Problemi më i madh që ata ngritën ishte mungesa e transparencës lidhur me projektin, si dhe prishja në mënyrë selektive e objekteve, kundrejt akteve të korrupsionit.
Lidhur me prishjet selektive pati dje një reagim dhe nga kryetari i operatorëve turistik për Vlorën, Vasil Bedini. Bedini tha se IKMT e ka pranuar se kanë marrë urdhëra emërore për prishjet.
“Këtu prishjet po bëhen selektive. 30 vjet kjo punë. Prish 1-2 objekte dhe lërë 12. Ata që kanë paguar, nuk po preken nga prishjet. IKMT e ka pranuar. Kanë marrë urdhëra emërore për prishjet.
Disa janë toleruar, të tjerë jo. Këtu ardhur një inspektorë ka punuar, ka ardh tjetri e me rradhë. Këtu është bërë korrupsion. Dhe shteti e ka lejuar. Si do funksionojë tani? Do shkojmë në ekstrem? Këtu janë 300 çuna, dhe 50 polica dhe të shkatërrojmë njëri-tjetrin, vetëm se duanë bëjnë selektivitet.”
Bedina shprehet se të gjithë janë dakort me projektin por jo dakort për projekt selektiv.
‘’Të jemi të qartë, jemi pro projektin, por jo selektiv. Të bëhet projekt. Mbështesim banorët.” (Lexo edhe ketu)
(E.K/Faxweb.al)
