Organizata të financuara nga qeveria suedeze, si UNICEF kanë vlerësuar me çmimin “Politikani i vitit”, Ervin Salianjin, i cili është sekretar për aksionin qytetar në Partinë Demokratike.
Ky eveniment u organizua nga një bashkëpunim mes UNICEF, Rrjeti Kombëtar për të Rinjtë në Shqipëri (ANYN), Lidershipi i të Rinjve të Tiranës dhe CRCA Shqipëri dhe Olof Palme International Center, të cilët hapën thirrjen për nominimet që në muajin tetor të këtij viti.
Kjo u bë në kuadër të nismës “TË RINJTË E VITIT 2016 NË SHQIPËRI”, nismë që synonte që vetë të rinjtë të identifikonin, rendisnin dhe vlerësonin publikisht të rinj e të reja nga e gjithë Shqipëria që përgjatë vitit 2016 kanë sjellë një ndryshim të matshëm në shoqërinë dhe komunitetet ku ata jetojnë, studiojnë apo punojnë.
Ervin Salianji është përfshirë gjatë gjithë vitit në disa nga tematikat më të rëndësishme, ka marrë pjesë në disa protesta, dhe ka shprehur shqetësimin e tij lidhur me çështje që prekin vendin tonë.
Në sondazhin e zhvilluar online, ato që e kanë favorizuar Salianjin kanë qenë: denoncimi në mes të parcelave me kanabis, futja në mes të mbetjeve për të kundërshtuar ligjin e importit të plehrave, apo aktivizimi në çështje të thella sociale.
Përgjatë periudhës Tetor-Nëntor 2016, kanë aplikuar dhe janë nominuar 97 të rinj të moshës 15 deri në 30 vjeç, nga e gjithë Shqipëria.
[ngg_images source=”galleries” container_ids=”142″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
