Ish-ministri i Drejtësisë Ylli Manjani ka reaguar në lidhje me zhvillimet e fundit politike. Duke iu referuar zërave se Rama mund të jetë drejt dorëzimit dhe qeverisë teknike për Manjanin kjo tingullon e çuditshme sepse deri dje thotë ai kryeministri trajtonte me arrogancë kundërshtarët.
‘’Dorëzohet Kryeministri?! Çudi pra,do hynte në zgjedhje vetëm! Trajtimi arrogant i kundërshtarëve e ka këtë çmim! Por precedenti është i keq!’’, shkruan Manjani.
Duhet thënë se derimë tani nuk ka asnjë zhvillim nga mazhoranca, të paktën publikisht. Pasi nga ana tjetër Rama ka mbledhur që në mëngjes ministrat e PS-së në qeverinë e tij në një takim larg vëmendjes së mediave.
Nga ana tjetër ende nuk ka nisur seanca e parashikuar plenare në Kuvend, ndërsa opozita vijon me takimet dhe protestën te çadra. (E.K/SHUPLAKA)
