Kryetarja e Forumit të Gruas në Partitë Popullore Europiane, Doris Pack në një postim në Tëitter, ka publikuar videon informuese të Presidentit Ilir Meta, për shkeljet ligjore të kreut të KED, Ardian Dvorani.
Materiali i presidencës, i hartuar në anglisht, pasqyron gjithë shkeljet ligjore të qëllimshme, që kreu i Këshilli të Emërimeve ka bërë për përzgjedhjen e anëtarëve të Gjykatës Kushtetuese.
Në spotin e mëposhtëm jepet shpjegimi se si zgjidhen anëtarët e Gjykatës Kushtetuese, si është përcaktuar në Kushtetutë ky proces dhe cili është roli dhe pozicioni që duhet të mbajnë palët.
Tregohet gjithashtu edhe se si u la jashtë procesit Aviokati i Popullit duke akuzuar Dvoranin si protagonistin që ktheu gjithë procesin thjeshtë në emërime.
Më tej Presidenti e quan fiktiv emërimin e kandidatëve të Gjykatës Kushtetuese, duke cituar mosrespektimin e radhës Kushtetuesem nga ana e KED.
“Të dashur miq,
Me kërkesën tuaj po e publikoj dhe në anglisht spotin e parë në mbrojtje të Kushtetutës dhe integritetit të Gjykatës Kushtetuese.
Mbrojtja e Integritetit të Gjykatës Kushtetuese, DETYRË MBI DETYRAT!”, shkruan Meta përkrah spotit.
Discussion about this post