“Dosja “184” dhe “339” do kenë bashkëudhëtare”, Kryemadhi: Rama nuk rrinte dot pa futur…

Kryetarja e Lëvizjes Socialiste për Integrim, Monika Kryemadhi ka zhvilluar mbrëmjen e sotme një takim me strukturat e partisë që drejton

Gjatë fjalës së saj, Kryemadhi u shpreh se 30 qershori ishte një ditë e zakonshme për të  ndërkohë që shtoi se mori fund vizioni i kryeministrit Rama për ta kthyer Shqipërinë në një vend monist.

Ajo paralajmëroi një tjetër dosje të bujshme hetimore, përveç “184” dhe “339” ku flitej për blerje votash në zgjedhje nga zyrtarë të lartë të qeverisë dhe Partisë Socialiste. Kryetarja e LSI-së tha se do të ketë edhe një dosje të quajtur “30 qershori”.

“30 qershori ishte një ditë e zakonshme për mua dhe fundi i të gjithë psikologjisë dhe vizionit të Edi Ramës për ta kthyer Shqipërinë në një vend monist. Sot kemi një raport të ODIHR, që thotë se në zgjedhje një parti u regjistrua në mënyrë të jashtëligjshme. Dosja “184” dhe “339” do kenë bashkëudhëtare edhe dosjen 30 qershori. Se Rama nuk ndejti dot pa futur dorën tek kutia, procesverbali, gjithë procesi zgjedhor”, tha Kryemadhi.

(F.GJ/FAXWEB.AL)