Kryetarja e LSI, Monika Kryemadhi ka debatuar me gazetarin Erl Murati në lidhje me dosjen 184. Ajo tha se eksponentë të PS nuk thirren në Prokurori, duke argumentuar se janë të regjistruar në biseda telefonike.
“Tre herë është ndërruar prokurori i çështjes 184. Pse ndërrohet prokurori i 184, pse nuk hapet? Pse nuk thirret Ulsi Manja, pse nuk thirret Xhemal Qefalia, pse nuk thirret Blerina Gjylameti, pse nuk thirret Damian Gjiknuri? Janë të regjistruar, janë në biseda telefonike. Këta kanë imunitet dhe ti nuk vazhdon çështjen për ata. Po të tjerët që nuk janë pjesë e imunitetit, eksponentë, ish drejtori i tatimeve të Dibrës, kryepleqtë e Dibrës”, deklaroi Kryemadhi.
Kryetarja e LSI-së, Monika Kryemadhi e ftuar në emsionin “360 Gradë” në RTV Ora foli edhe për vizitën e zyrtarit të lartë të Departamentit Amerikan të Shtetit, Mathew Palmer ku argumentoi se nuk ishte vizitë presioni sepse në të kundërt sipas saj, do kishte zgjatur vetëm 7-8 minuta dhe jo 78 minuta.
“Raportet e DASH nuk janë deklatrat mediatike dhe zoti Palmer takohet me çdo qeveri. Vizita me Palmer, nëse do ishte takim presioni nuk do zgjaste 78 minuta, por do zgjaste 7-8 minuta dhe do ikte. Me zotin Rama, Palmer ndenji 30 minuta dhe 70 minuta ndenji me ministrat dhe i ka shpieguar Besa Shahinit politikën për arsimin shqiptar, ky Gent Cakaj i shpjegonte …. Jam e kënaqur nga takimi me Palmer”, tha Kryemadhi.
(F.GJ/FAXWEB.AL)
Discussion about this post