Pas letërporosisë të Prokurorisë Shqiptare për palën greke, vjen përgjigja e autoriteteve fqinje duke i dorëzuar palës shqiptare një dosje voluminoze prej 2500 faqesh. Dosja për Klement Balili u dorëzua sot në ambjentet e Prokurorisë së Përgjithshme, institucion i cili ka tagrin ligjor të nxjerrë edhe urdhërarrestet.
Klement Balilin është një nga emrat më të përfolur për autoritetet greke , madje cilësohet edhe si “Eskobari i Ballkanit”.
Balili është shpallur në kërkim nga autoritetet greke shumë muaj më parë dhe vazhdon të jetë në kërkim, edhe nga ato autoritetet shqiptare.
Por këto të fundit shpesh janë ankuar se nuk kishin prova të mjaftueshme ndaj Balilit, për t’i nisur një proces gjyqësor.
Por tashmë në duart e tyre gjenden 2500 faqe, që përmbajnë fakte dhe dëshmi për trafik droge, njerëzish, por edhe vrasje, për të cilat fajësohet Klement Balili dhe grupi i tij i strukturuar kriminal.
Kjo dosje është sjellë prej gati tre javësh e përkthyer në shqip, pikërisht për të hequr çdo lloj argumenti nga pala shqiptare, veçanërisht nga Ministria e Drejtësisë për vonesa në dërgimin e dosjes në Prokurorinë shqiptare.
Discussion about this post