Gjatë mbrëmjes së sotme në emisionin “Opinion”, ish deputeti i PD-së, Ervin Salianji ka publikuar një sërë përgjimesh audio të prokurorisë, të cilat inkriminojnë drejtuesit e lartë të policisë.
Sipas ish-deputetit, drejtorët e lartë të policisë, konkretisht kreu i policisë së Fierit, ka folur me Fredi Alizotin, personi i përfshirë në dosjen Babale, ku dilte i përfshirë në trafik droge vëllai i ish Ministrit të Brendshëm Fatmir Xhafaj.
Kujtojmë se Fredi Alizoti tha në dëshminë e tij në prokurori se ai kishte qenë personi që kishte imituar Geron Xhafajn, vëllain e ish Ministrit, duke u shtirur sikur ky i fundit të merrej ende me trafikun ndërkombëtar të drogës.
Por sipas PD-së dhe përgjimeve të fundit të bëra publike këtë të martë, rezulton se Alizoti është blerë nga socialistët dhe pushtetarët më të lartë në polici, që të “shfryjë” skandalin e audio-përgjimit mes Babales e Geron Xhafajt, muaj të shkuar, ku flitej hapur për trafik droge.
Në njërën prej materialeve audio degjojmë Drejtorin e Policisë së Fierit në terma shoqëror me Alizotin çka tregon se ata njihen me njëri- tjetrin. Në bisedë Alizoti e njofton Nushin se është nisur drejt Tiranës, ndërkohë ky i fundit dërgon dikë ta takojë, gjë e cila konfirmohet në materialin e dytë të prokurorisë të publikuar nga Salianji.
Biseda 1:
Zbardhje e bisedës/ Personi 1- Drejtori i Policisë Berti Nushi, Personi 2- Fredi Alizoti
Personi 1: Fredi
Personi 2: Hë vlla!
Personi 1: Çfarë po bën?
Personi 2: Çfarë do bëj? Kam dal
Personi 1: Si ke qenë?
Personi 2: Mirë, po ti?
Personi 1: Nga shtëpia, mirë?
Personi 2: Mirë mo, hajd!
Personi 1: Ku e more vesh se kush jam unë
Personi 2: Si?
Personi 1: Ku e more vesh që jam unë ore?
Personi 2: Si Leti më dukesh!
Personi 1: Si kush?
Personi 2: Si Leti
Personi 1: Mirë, ku ta japi Leti një birrë ty?
Personi 2: A?!
Personi 1: Ku e do një birrë?
Personi 2: Ore ku je tani?
Personi 1: Jam Berti ore Berti!
Personi 2: Aaa, çkemi?
Personi 1: Mire, si ke qenë?
Personi 2: Po mirë, shtyemi.
Personi 1: Ke patur ndonjë problem?
Personi 2: A?!
Personi 1: Ke patur ndonjë problem?
Personi 2: Po jo mo, jo!
Personi 1: Ku do ta pimë një birrë, ku të jesh i qetë?
Personi 2: I qetë jam, i qetë ore!
Personi 1: Jo, jo që të ndjehesh ti i qetë thash, ku në çfarë vendi?
Personi 2: Ore kush je ti tani , se si shumë po më çakordon?!
Personi 1: Bert Nushi! Drejtori o vëlla drejtori!
Personi 2: a? Ooo të mora vesh, po unë jam në Tiranë tani.
Personi 1: Je për Tiranë?
Personi 2: Jo, jam në Tiranë tani, më fal ëë!
Personi 1: Ke ndonjë punë urgjente, çfarë do bësh?
Personi 2: Jo ore, rrofsh po unë jam në Tiranë tani sa zbrita, kur të marrë në tëlëfon?
Personi 1: A je në Tirani ti?
Personi 2: Po!
Personi 1: Ou, po ku, çfarë vendi je në Tiranë?
Personi 2: Ja ta thoi vëllai tani, sa zbrita, te Tirana e Re, te lokali po marrë një kafe.
Personi 1: Ashtu ëë?
Personi 2:Ee!
Personi 1: Po erdha unë do të jap unë një kafe. Po qe se ashtu do të dërgoj dikë aty, mirë?
Personi 2: Urdhëro?
Personi 1: Po qe se do nisem unë nga Fieri, do vij unë.
Personi 1: Po!
Personi 2: Po, sa do rrish në Tiranë Ti?
Personi 2: Unë sot këtu jam.
Personi 1: A je sot aty ëë?
Personi 2: Ee
Personi 1: Çfarë ke ti? Ka ndonjë gjë?
Personi 2: Jo, hiç donim të pyesnim ke patur ndo një problem, ke patur ndonjë shqetësim?
Personi 1: Ore kam pasur një, ta them unë ty, s’ta them në telefon.
Personi 1: Po prandaj s’doja të flisja në telefon unë
Personi 2 : Ee e ke parasysh vetë ti…
Personi 1: Do që të vij në Tiranë të takoj?
Personi 2: Hajde vëlla, hajde
Personi 1: Mirë ok, mirë.
Personi 2: Hajd
Personi1: Mirë se numrin e kam…
Personi 2: Më fal se nuk të njoha!
Personi 1: Jo ore jo çfarë problemi ka
Personi 2: Të më falësh ëëë
Personi 1: Mirë, mirë
Pas bisedës telefonike që Alizoti bëri me drejtorin e policisë së Fierit, drejt Tiranës u nis nëndrejtori i policisë për të takuar atë.
Fredi Alizoti: Ke Pazari i ri jam unë
Nëndrejtori i policisë: Atje ku u ndamë atë natë
Fredi Alizoti: Jo ore jo, jam këtu tek pazari i ri, tek 9 katëshet.
Biseda tjetër e mëposhtme është zhvilluar në 29 gusht të 2018. Ndërkohë që sipas Salianjit në këtë takim Fredi Alizoti ka marrë një tjetër pako me lekë.
Ndërsa në audio përgjimin e tretë, mëposhtë Alizoti dëgjohet teksa flet me Drejtorin e Policisë së Fierit, ndërsa i kërkon që të flasë me shefin e madh. Po ashtu, gjatë përgjimeve dëgjohet Drejtori që e pyet nëse i mori “ato”.
Biseda:
“Do t’i thuash pak shefit të më takojë” i thotë Fredi Alizoti.
Drejtori i policisë: Shefi është jashtë, i ka deleguar kompetencat. Ka shumë mundësi që nesër pasdite të jetë këtu. Këto që po të them unë, që është këtu apo nuk është këtu, t’i verifikoje.
Fredi Alizoti: Unë dua të flas me njeri tjetër.
Drejtori i policisë: Të prokurorit nuk ke numër?
