Gazeta e vjetër italiane “Roma” i ka kushtuar një tjetër artikull së fundmi 1300 kontenierëve, çështje që është përfolur së shumti së fundmi në vend, për të cilën kanë shkruar edhe mediat e huaja.
“Roma” shkruan për nisjen e hetimeve nga Prokuroria e Durrësit.
“Siç del nga vendimi i Këshillit të Ministrave i shtatorit 2016, i cili autorizoi importin dhe transitin e mbetjeve kimike e industriale, dëshmon pa diskutim interesimin e fortë e sferave të larta të Tiranës për t’i dhënë hapësirë një biznesi që ishte mohuar dhe që askush nuk e mendonte se mund të autorizohej pikërisht nga qeveria e kryeministrit Edi Rama.”, shkruhet ndër të tjera në paragrafët e parë të këtij shkrimi.
Duke iu referuar kryeministrit, gazeta shkruan se ishte ai që gjat fushatës elektorale doli kundër importit të plehrave dhe “një ndryshim i tillë kursi nevojitet të justifikohet dhe jo thjesht nga ana politike”.
Më tej, shkruhet se po hetohet edhe nga ana italiane, duke përmendur 13 të hapura për trafikun e mbetjeve.
“Pas zbulimeve të “Romës”, shumë televizione e gazeta, në Shqipëri, Greqi e Maqedoni, po e ndjekin me vëmendje ngjarjen. Siç u tha edhe më sipër, Prokuroria e Durrësit – qyteti portual nga i cili kontejnerët hynë në Shqipëri, të ardhur me anije nga porti italian i Gioia Tauros – pasi nisi hetimet ka lëvizur me shpejtësi në kërkim të përgjigjeve.”, citohet në vijim.
Duke iu referuar Lulzim Bashës, gazeta italiane shkruan se kreu i opozitës ka folur ër gjenocid ambientalist, duke përdorur një metaforë të fortë, sigurisht, por e përshtatshme për dhjetëra episode helmimi të territorit brenda rreth një dekade.
“nëse 1300 kontejnerë mbetjesh zhduken në një vend si Shqipëria, me siguri që trafikantët duhet të kenë bashkëpunëtorë. Dhe dyshimin që edhe politika mund të jetë, në një farë mënyre, në çështjen e mbetjeve e konfirmon ligji që një “lob” deputetësh kërkoi ta kalonte në parlament për të legalizuar importin ndërkufitar të mbetjeve. Ligj, ndër të tjera, i mbështetur fuqishëm nga kryeministri Edi Rama, i cili hedh poshtë në këtë mënyrë premtimet dhënë zgjedhësve gjatë fushatës elektorale.
“Kurrë më mbetje nga jashtë në Shqipëri”, tha atëherë. Dhe, në një vend pa impiant përpunimi, ku edhe landfilli i Tiranës duket si një kazan në qiell të hapur, arkaik dhe i rrezikshëm për shëndetin, mbetet për t’u pyetur se si kishin menduar të merrnin edhe mbetjet e të tjerëve.”, shkruan gazeta italiane.
(XH.A/SHUPLAKA)
Discussion about this post