Dosja e Izet Haxhisë kalon tek Krimet e Rënda

Gjykata e Tiranë vendos të kalojë dosjen e Izet Haxhisë ne prokurorinë e Krimeve të Rënda.

Prokuroria e Tiranës kërkoi që vrasja e ish-deputetit Azem Hajdari të përfaqësohet në gjyq nga Krimet e Rënda pasi sipas saj vrasja e ish-deputetit nuk është kompetencë e tyre.

Një javë më parë, Prokuroria e Tiranës kërkoi të shpall moskompetencë për dosjen e Izet Haxhisë.

Kjo dosje pritet të kalojë në SPAK, pasi vetë Krimet e Rënda do të funksionojnë edhe pak ditë duke u transformuar më pas në Prokurorinë e Posaçme kundër Krimit të Organizuar dhe Korrupsionit.

Me ngritjen e SPAK, Prokuroria e Krimeve të Rënda pushon së funksionuari po ashtu edhe Gjykata e Krimeve të Rënda e cila kthehet në Gjykatën e Posaçme.