Gazetari italin Dario De Luca i cili publikoi lajmin se ish-ministri i brendshëm Saimir Tahiri nuk është në hetim, ndërsa shtoi se shumica e të akuzuarve janë italianë.
Gjithashtu Dario De Luca u shpreh se të akuzuarit rrezikojnë dënime të rënda pasi akuzohen për trafik droge por edhe armësh. Gjithashtu sipas tij Prokuroria e Katanias do të kërkojë edhe ekstradimin e Nazer Seitit, i konsideruar nga Prokuroria e Katanias si pjesë e bandës së “Habilajve”. Ai u arrestua në Shqipëri.
“Shumica e të akuzuarve janë italianë. Prokuroria ka përfunduar hetimet. Në hetim nuk është Tahiri. Të akuzuarit rrezikojnë shumë pasi janë të akuzuar edhe për trafikun e drogës por edhe për trafikun e armëve. Rrezikojnë dënime të rënda. Prokuroria do të kërkojë ekstradimin e Nazer Seitit”, tha ai për ‘Fax News’. (B.H/Faxweb)
