Dosja “Hajdari”, avokati i Izet Haxhisë: Ka prova të reja, 21 politikanë janë thirrur për të dëshmuar

Gjykata e Tiranës ka pranuar kërkesën e ish-truprojës së Sali Berishës, Izet Haxhia për tu rigjykuar, duke hapur kështu dosjen “Hajdari”.

Ndërkohë avokati i Izet Haxhisë, Bashkim Nikolla thotë se kjo është ditë shumë e mirë për drejtësinë shqiptare.

Nikolla gjithashtu tha se janë mbi 21 politikanë me në krye të parin e vendin, që janë thirrur për dëshmitarë e s’kanë begenisur.

Ai shtoi se sot është ora që drejtësinë ta përfillin të gjithë dhe do vijnë të gjithë politikanët.

“Nëse dje ishin të zënë me punë le t’a bëjnë nesër.”

Ai u shpreh se janë paguar 1 milionë euro për të vrarë Izet Haxhinë.

“Para se t’ju përgjigjem pyetjes, me këtë vendim që mori gjykata e shkallës së parë Tiranë, është një ditë shumë e mirë për shqiptarët. Përsa i përket aspektit procedurial, do procedojmë më tej me ankimimin. Do provojmë se s’na takon dënimi 25 vjet por pafajësia. Ka prova Izet Haxhia që është i pafajshëm. Do sqarojmë pozicionet tona. Dosja, politike e qepur keq. Duam të gjykohemi e të rigjykohemi. Dosja është skandaloze. Vetëm dje kemi patur mundësinë ta prekim fizikisht dosjen prej 700 e ca faqeve. Janë mbi 21 politikanë me në krye të parin e vendin, që janë thirrur për dëshmitarë e s’kanë begenisur. Kanë patur të gjithë një seli. Sot është ora që drejtësinë ta përfillin të gjithë. Do vijnë të gjithë politikanët. Nëse dje ishin të zënë me punë le t’a bëjnë nesër. Janë dhënë 1 milionë euro për të vrarë Izet Haxhinë.Shkaku madhor ka qenë rreziku për jetën, rrezik permanent për Izet Haxhinë. Më në fund do ketë drejtësi, pa le të përmbyset bota. Kam shumë besim tek drejtësia”, tha ai.

Vendimi i gjykatësit Besnik Hoxha u prit me duartrokitje në sallë ku ishte i pranishëm vetë Haxhia dhe disa të afërm të tij.

Izet Haxhia ishte dënuar me 25 vite burg si bashkëpunëtor në vrasjen e ish-deputetit të PD-së dhe liderit të lëvizjes së ‘Dhjetorit’ Azem Hajdari.

(M.Q/Faxweb)