Dosja “Hatija”, mbrojtja: Italia nuk njeh drejtësinë shqiptare, ja përse Hatija nuk duhet të ekstradohet

Shtyhet për herën e 16-të çështja gjyqësore në ngarkim të Alket Hatijas

Prokuroria i qendron sërisht kërkesës për arrestim dhe më pas ekstradim të Hatijas.

Ndërkohë që mbrotja ka paraqitur si argument mos ekstradimin për shkak të kryerjes së këtij dënimi, pasi sipas mbrotjes bëhet fjalë për të njëjtën vepër penale që e kërkon shteti italian

Seanca e readhës do të vijojë më datë 5 mars ora 10 : 15

Dosja e shumëpërfolur ndaj Alket Hatijas, është kthyer në një betejë ligjore mes palës mbrojtëse dhe pamundësisë për të vepruar nga ana e organeve ligjzbatuese shqiptare.

Ndaj Alket Hatijas autoritetet italiane kanë dërguar një kërkesë ekstradimi, që sipas mbrotjes Hatija akuzohet për të  të njëjtën vepër penale që e ka kryer dënimin në shtetin shqiptar.

Çështja “Hatija” po gjykohet në mungesë nga autoritet shqiptare, pasi ky i fundit rezulton të jetë shpallur në kërkim me qëllim ekstradimi. Mbrotja ka paraqitur konkluzionet përfundimtare në mbrojtje të Alket Hatijas në lidhje me kërkesën për ekstradim paraqitur nga ana e Prokurorisë së Rrethit Gjyqësor Durrës.

Pala mbrotjëse paraqet arsyetimet ligjore përse Alket Hatija nuk duhet të ekstradohet në drejtim të Italisë. Ja cfarë thuhet në këto konkluzione të siguruara nga Fax News.

Konkluzonet e paraqitura nga avokati mbrotës i Alket Hatija, Denion Bogdani:

“1. Në lidhje me episodet e përmendura në vendimet respektive të Gjykatës së Milanos dhe Gjykatës së Krimeve të Rënda ashtu sic e kemi përcjellë dhe në seancat e mëparshme bëhet fjalë qartësisht për të njejtat fakte dhe për të njëjtën çeshtje dhe për të njëjtën periudhë kohore.

Në lidhje me periudhën kohore është e qartë se vendimi i Gjykatës shqiptare përfshin periudhën kohore në lidhje me episodet e trafikimit e cila fillon ne datat 7-13 janar 2003 (pika 12-27 e vendimit , faqe 6-9 e vendimit) dhe përfundon në datat 15 prill e maj 2004 (pika 507-514 e vendimit , faqe 113-114 e vendimit).

2. Nëse i referohemi pjesës hyrëse të vendimit të Gjykatës së Apelit të Milanos (faqe 6 e fashikullit) është pikërisht e njëjta periudhë kohore e ushtrimit të aktivitetit të trafikimit të narkotikëve që fillon nga data 13.01.2003 dhe përfundon në datën 28.05.2004.

Në lidhje me bashkëpunetorët e perfshirë në këtë aktivitet të jashtëligjshem është e qartë se të gjithë bashkëpunëtoret e përmendur në pjesën hyrëse të vendimit të gjykatës së hetimeve paraprake të Milanos dhe në kreun 59 të këtij vendimi, të ndarë sipas rroleve, janë të njëjtet bashkëpunëtorë të cilët përmenden edhe në vendimin e Gjykatës së Krimeve të Rënda. Nëse i referohemi episodeve me rradhë gjejmë të njëjtët persona të përfshirë.”