“Dosja Lazarati”/ Tensionet tek Krimet e Rënda, avokati u kërkon ndjesë gazetarëve: Familjarët janë rëndë psikologjikisht, vrasësi i lirë

Pas tensioneve tek Krimet e Rënda ku të afërm të të dënuarve të “grupit të zjarrit” në Lazarat goditën gjyqtarët dhe gazetarët, ka folur dhe avokati i tyre.

Në një deklaratë për mediat ai u ka kërkuar ndjesë gazetarëve për situatën e krijuar por thekson se familjarët janë në gjendje të rëndë psikologjike pas vendimit të Apelit që sipas tij nuk ka ndryshuar aspak nga ai i Gjykatës së Shkallës së Parë.

Madje avokati u shpreh se vrasësi i ish-efektivit Ibrahim Basha mund të jetë i lirë.

“Kjo nuk duhet të përkthehet në veprime të tilla tek përfaqësuesit të mediave që kanë pasqyruar gjjithë procesin, është kopje e vendimit të shkallës së parë, ka kokë turku atë që u vra dhe ka kokë turku ato që mbroj unë sot.

Njësoj si në komunizëm, kur vritet polici i partisë apo sekretari i partisë shuhet gjithë fshati. Nuk ka një provë të vetme kush është vrasësi, mund të jetë i lirë, e thonë provat.

Të tjerë e kanë kurdisur këtë ngjarje të rëndë e cila nuk do të mbarojë me kaq, do i drejtohemi Gjykatës së Lartë. As gjykimin e shkurtuar nuk na dha Apeli. Një e drejtë e fituar nuk është e drejtë e mohuar, humbëm te drejtën e gjykimit të shkurtuar. Ngjarja nuk është hetuar dhe s’eshte marrë vendimi të hetohet per vrasjen e Bashës. Asnje hetim, asnjë pyetje asgjë, eshte vrare me nje plumb tjetër. Në mënyre të tillë që godasin vetëm snajpera. Nuk është vonë që çështja të kthehet. Dhuna nuk duhej të ndodhte, por psikologjikishit kane qenë shumë rënde. 11 koka turku, vrasësi i Ibrahim Bashës është ende i lirë”, tha ai.

Familjarët e grupit të Lazaratit, që akuzohen për vrasjen e efektivit të policisë Ibrahim Basha pas dhënies së vendimit të trupës së Apelit reaguan duke e kundërshtuar. Familjarët kanë hedhur karrige në drejtim të trupit gjykues, ndërsa kanë lëshuar edhe mallkime kundër tyre si “Ju vdekshin fëmijët”.

Të dënuarit e grupit të Lazaratit për vrasjen e ish-efektivit Ibrahim Basha
Albion Aliko – Burgim i përjetshëm
Bajram Boci – Burgim i përjetshëm
Elvis Boçi – 35 vite burg
Alban Aliko – 20 vite burg
Elson Kasma – 18 vite burg
Xhulio Malo – 10 vjet
Klodian Selimi – 13 vjet
Oltion Proko – 9 vite burg
Dervish Gaba – 15 vite
Ruhan Hija – 15 vite burg
Iljaz Xhaferri – 15 vite burg

(B.H/Faxweb)