Gjykata e Posaçme ka pranuar kërkesën për gjykim të shkurtuar nga katër të pandehur në dosjen e njohur si “Metamorfoza”, ndërsa tre të tjerë do të gjykohen sipas procedurës së zakonshme.
Vendimi u mor pas shqyrtimit të kërkesave të Olt Bistrit, Ardit Hasanbegajt, Xhevahir Litës dhe Astmir Bilalit, të cilët janë arrestuar në kuadër të hetimeve për një grup të strukturuar kriminal.
Në anën tjetër, Pëllumb Gjoka, Behar Bajri dhe Edmond Preka do të gjykohen sipas procedurës së zakonshme.
Ky vendim është marrë nga GJKKO, e cila ka vlerësuar se tre të akuzuarit e fundit janë përfshirë në vepra të rënda penale, përfshirë vrasje me paramendim dhe tentativë vrasje.
Hetimet kanë zbardhur se ata kanë qenë pjesë e një grupi kriminal të strukturuar që ka kryer veprime të rënda penale, duke përfshirë korrupsion, pastrim parash dhe mbajtje pa leje të armëve.
