Pas ngjarjes tragjike në Itali, ku vogëlushja Viktoria me origjinë shqiptare u kafshua në oborrin e shtëpsë nga dy qentë pitbull të gjyshit, Drejtoria Veterinare në Ministrinë e Bujqësisë po pregatit një bazë të re ligjore, për t’i trajtuar këta qen si armë.
Parashikohet që 10 racat agresive të rrezikshme të qenve, të matrikulohen me çip dhe të pajisen me pasaporta të veçanta.
Në një prononcim për News24, drejtori i Drejtorisë Veterinare Edi Ferko tha se drafti i ri parashikon që pronarët duhet t’i regjistrojnë kafshët aty ku regjistrohen armët.
Madje sipas tij, do të ketë sanksione të rrepta dhe penalitete për pronarët e qenve që nuk zbatojnë ligjin.
“Pitbulli në familje është një roje i fëmijëve. Mund të qëndrojnë pa frikë pa prindërit, qeni nuk është i rrezikshëm për fëmijën. Vajza ka prekur diçka, vajza ka ngacmuar ushqimin por me siguri e kanë shfaqur më parë agresivitetin dhe ky ka qenë fatal”, tha Ferko.
Sipas ekspertëve, fëmijët që janë nën moshën e fillimit të shkollës në asnjë mënyrë nuk duhen lënë vetëm me qenin
Sipas veterinerit në spitalin veterinar ndërkombëtar të Tiranës, Pitbulli njihet si qen luftarak dhe konsiderohet një ndër racat më të rrezikshme me karakter dominant. (D.D/Shuplaka)
Discussion about this post