Tronditet Napoli, por më shumë mbrojtësi i kombëtares kuqezi, Elseid Hysaj. Mediat italiane bëjnë me dije se anësori i skuadrës së Seria A është lënduar gjatë seancës stërvitore, duke e braktisur atë mjaft i mëriztur. Një lajm i hidhur për shqiptarin, teksa mezi po e pristë sfidën e Ligës së Kampioneve kundër Real Madridit, në fushën e këtij të fundit, këtë mesjavë, shkruan ‘’Telesport’’.
Edhe pse nuk ka konkluzione përfundimtare, ankthi është shtuar në kampin napoletan para vlerësimit të situatës së dëmtimit.“Mungojnë edhe gati tri ditë deri në këtë përballje, të konsideruar historike nga Maurizio Sarri dhe të tijtë, megjithatë tensioni është i madh, sepse ka të bëjë me plagosjen e një lojtari kyç për blutë.
Elseid Hysaj, në fakt, doli dje nga kampi i trajnimit për shkak të lëndimit. Në fytyrën e lojtarit dhe të gjithëve u pa i pikturuar një vështrim shqetësimi, i përzier me frikë.Sipas edicionit të sotëm të “La Gazzetta dello Sport”, mbrojtësi shqiptar pësoi një goditje të fortë në kyçin e këmbës së tij të djathtë gjatë miqësores klasike mes grupit.
Gjendja e tij do të vlerësohet gjatë stërvitjes, këtë mëngjes. Nëse lëndimi do të jetë i vogël, lojtari duhet të bëjë sakrificë dhe të jetë kundër Real Madridit, por kujdes, në këto raste nuk janë të mjaftueshme vetëm disa orë për të përfunduar ekzaminimet,” – shkruajnë mediat në Apenine. (E.K/SHUPLAKA)
Discussion about this post