Mbrëmjen e djeshme janë përcaktuar dhe dy skuadrat e tjera gjysmëfinaliste në Champions League që do të jenë Totenham dhe Liverpool. Këta të fundit mposhtën me lehtësi me një rezultat 4-1 skuadrën e Portos, duke sfiduar kështu Barcelonën me të cilën do të ndeshen për një vend në finalen e madhe.
Ndeshja më emocionuese ka qenë padyshim ajo mes City dhe Totenham, ku u shënuan gjithsej 7 gola dhe fati i të kualifikuarit u vendos nga sistemi VAR., dhe nga ndeshja e parë e fituar me rezultatin e ngushtë 1-0 nga Totenham.
Çmenduria ka filluar në minutën e 4-t me Sterling që ka kaluar në avantazh vendasit me një gol magjik, por festa e “Citizens” ka zgjatur shumë pak, sepse Son që shënuar dy gola të shpejtë në minutën e 7-të dhe të 10-të. Një minutë më vonë ka ardhur barazimi i ekipit të Pep me Bernardo Silva-n, i ndihmuar nga një devijim i Rose.
Në të 21-ën, City është kthyer në avantazh me Sterling dhe ka realizuar të katërtin me Aguero-n në minutën e 59-të. Gjithsesi, Spurs nuk janë dorëzuar dhe në minutën e 73-të kanë gjetur golin e tretë me Llorente-n, për të cilin është dashur ndërhyrja e VAR për të kuptuar nëse spanjolli kishte shënuar me dorë apo kofshë. Arbitri Cakir ka zgjedhur të dytën dhe e ka quajtur të vlefshëm.
Vendasit janë hedhur në sulm në minutat e mbetura për golin e pestë dhe të kualifikimit, duke e gjetur në kohën shtesë me Sterling, por që është anuluar për pozicion jashtë loje nga VAR.
Feston Tottenham, që në gjysmëfinale do të përballet me Ajax-in, një tjetër skuadër që nuk pritej të ishte mes katër më të mirave të Europës në fillimin e sezonit.
