Ardian Dvorani, gjyqtar në Gjykatën e lartë është sot përballë Vetingut në seancën që po mbahet në KPK. Ai bëhet kështu gjyqtari i gjashtë i Gjykatës së Lartë, që kalon në sitën e vetingut.
Deri më tani është rikonfirmuar vetëm Edmond Islamaj, ndërsa janë shkarkuar Admir Thanza, Tom Ndreca dhe Artan Zeneli. Të martën merret vendimi dhe për kryetarin e Gjykatës së Lartë, Xhezair Zaganjhori.
Në lidhje me pasurinë apartament 121 metra katorë, blerë në vitin 2001 34 mijë dollarë, relatorja tha: Deklarimet e subjektit për këtë pasuri përputhen me dokumentat.
Pasuria dy: apartament 104 metra katrorë në Tiranë i privatizuar në vitin 1993 ku Dvorani është pronar në 1/6, apartamenti 76 metra katrorë privatizuar në vitin 95 ku pronarë në 1/5 është gruaja e tij, autoveturë Scoda Octavia marrë me kredi, gjatë hetimit ka rezultuar se subjekti ka detyrime financiare 1.3 mln lekë nga prindërit për kredinë e shtëpisë së parë, tha relatorja.
Por ILDKPKI konsideron se Dvorani ka bërë fshehje pasurie pasi nuk ka deklaruar në vitin 2016 llogaritë bankare dhe lukuiditetet.
KPK tha: Ka deklarime të pasakta të llogarive bankare në deklaratën e vetingut. Subjekti ka pasur dhe ka të ardhura të ligjshme për krijimin e lukiditeteve të padeklaruara. Në lidhje me figurën DSIK ka konstatuar përshtatshmeri. Edhe KPK nuk ka gjetur të dhena për të kunderten. Në lidhje me aftesitë profesionale, KPK ka pas 8 denoncime vetem në 4 ka patur dokumente shoqërues dhe ska pasur problematika.
