Në Korçë ka nisur protesta e shoqërisë civile, kundër drekave dhe darkave që po zhvillohen mes ministrit Ditmir Bushati dhe atij grek Kotzias.
Duke përmendur disa nga të rinjtë shqiptarë që kanë gjetur vdekjen në shtetin Helen, protestuesit i kërkojnë llogari Bushatit pse nuk fut në axhendën e diskutimeve kushtet për emigrantët.
Pëllumb Marknikollaj është një nga të rinjtë shqiptar, vdekja e të cilit mbetet mister, sesi u gjend i masakruar në një komisariat të Athinës.
Shumë shpejt sipas aktivistit Aulon Bej Kalaja do të dali një reportazh sesi ai u dhunua në komisariatet e Greqisë, edhe pse autoritetet thanë se ai kishte vrarë veten.
“Ministri shqiptar duhet të kërkojë llogari për vrasjen e djemve tanë nga ana e shtetit grek, duhet të kërkojë llogari për masakrimin që iu bë patriotit tonë Pëllumb Marknikollaj, dhe qindra të rinjve të tjerë.
Pse nuk janë të përfshirë në diskutime kushtet e punës për emigrantët. Bushati të mos shkojë të hajë dreka dhe darka, po të shqetësohet për fatin e shqiptarëve”, u shpreh Kalaja.
Babai i Pëllumbit pak kohë më parë shprehej se shteti shqiptar nuk po ndihmonte në zbardhjen e të vërtetës për vrasjen e djalit të tij.
“Policia me çdo kusht kërkon të fshehë rastin e djalit tonë, që e kanë bërë vetë këtë ngjarje kriminale. Por nuk do ta fshehin kurrë sepse ne po e ndjekim cdo moment dhe duke pasur besim edhe tek drejtësia do të zbardhet e vërteta, por po vonon.
Ne i kemi bërë thirrje edhe shtetit edhe dikastereve të tjera për të na ndihmuar në zbardhjen e të vërtetës, ose për të ndërhyrë në autoritetet greke që ta zbardhin të vërtetën, por shteti po neglizhon dhe ne nuk e kuptojmë arsyen pse shteti nuk kërkon për këto raste, sepse janë disa raste që policia po i vret djemtë tanë .
(E.K/FAXWEB)
https://www.youtube.com/watch?v=AVfnVwmqvRU&feature=youtu.be
Discussion about this post