Jo pak herë futbolli në vendin tonë është përfshirë në hije skandali. Sa për lëshime në ndeshjet brenda vendit dhe sa në ndeshjet ndërkombëtare.
Kjo ka bërë që mbrëmë në emisionin ‘’Procesi sportiv’’, gazetari Gëzim Sinamati të bënte një deklaratë të fortë.
Ai u shpreh se nëse në futbollin shqiptar do të kishte përgjime të vazhdueshme, atëherë as kombëtarja kuqezi nuk do të merrte pjesë në Kampionatin Europian.
“Drejtësia sportive ka vdekur. Nëse do të kishte drejtësi sportive, nuk do të ishim këtu ku jemi sot. Në futbollin shqiptar kanë ndodhur gjëra më të rënda se sa ky përgjimi i Vilës. Nëse do të kishim përgjime të vazhdueshme, Shqipëria nuk do të kishte shkuar as në Europian”, tha Sinemati.
Kujtojmë se futbollisti Emiljano Vila deklaronte se ishte opfertuar për të bërë lëshime në ndeshjen mes Partizanit dhe Kukësit. (E.K/SHUPLAKA)
