Sekretari i Burimeve Njerëzore i Forumit Rinor të Partisë Demokratike Indrit Hoxha ka dalë i pafajshëm nga Gjykata e Apelit Tiranë për protestën e zhvilluar te bunkeri në qendër të Tiranës.
Ka qenë vetë Indrit Hoxha që ka ndarë lajmin dhe ka falemderuar edhe avokatin e tij në këtë çështje, Altin Goxhajn.
“Drejtesia vonon por ne fund fiton. Sot gjykata apelit Tirane rrezoi vendimi e shkalles se pare ndaj meje ne lidhje me protestes tek “Bunkeri”.Falenderoj avokatin tim Altin Goxhaj per mbrojtje.”, shkruan Indrit Hoxha.
Vetëm dy vite më parë Partia Demokratike zhvilloi një protestë kundër qeverisë Rama, ku iu vu edhe zjarri “Bunker 1”, i ruajtur si monument kulture pranë Ministrisë së Brendshme.
Por ka reaguar edhe avokati Goxhaj dhe e quan një fitore të madhe. “NJË TJETËR FITORE SOT NË APEL E PROTESTUESVE DEMOKRAT KUNDËR DIKTATURËS SË OLIGARKISË. Bëhej fjalë për arrestimin e Indrit Hoxha në protestën e parë kundër Bunkerit në 17 Shtator 2015 të shoqatave dhe partive të të përndjekurve politik dhe Departamentit të të Përndjekurve Politik në PD ku gjykata e shkallës së parë në kundërshtim me ligjin refuzonte pamjet filmike që e nxjerrin kallzimin e policit të Shqiponjave (sikur gjoja Indrit Hoxha kishte dhunuar si Rambo trupat e Shqiponjave 😀 ) si kallzim i rremë dhe dëshmitë e policëve po ashtu!”, shkruan Goxhaj. (J.V/Shuplaka)
Discussion about this post