Drejtonin të dehur mjetet, dy të arrestuar në Korçë, një i lënduar (EMRAT)

Dy persona janë vënë në prangat e Policisë së Korçës nën akuzën se drejtonin automjetet në gjendje të dehur. Janë ndaluar shtetasit:

Anesti Leka, 48 vjeç, banues në fshatin Voskop, i cili u kap në lagjen nr. 9 të Korçës, duke drejtuar në gjendje të dehur automjetin tip “Mercedes-Benz”, me targë KO 4869 B.

Thanas Kuqo, 56 vjeç, banues në fshatin Vloçisht–Maliq, i cili në gjendje të dehur mjetin tip “Toyota”, me targë MIK 6983, është përplasur me mjetin tip “Honda” me targa AA 374 IR, me drejtues shtetasin A.O, 38 vjeç, banues në Pogradec.

Detaje të policisë:

Specialistët e Sektorit për Qarkullimin Rrugor në Korçë, bënë kapjen dhe arrestimin në flagrancë të shtetasit :

Anesti Leka, 48 vjeç, banues në fshatin Voskop.

Arrestimi i tij u bë pasi, më datë 20.02.2017, ky shtetas në lagjen nr 9 në Korçë, u kap duke drejtuar në gjendje të dehur automjetin tip “Mercedes-Benz”, me targë KO 4869 B.

Materialet i kaluan Prokurorisë të Rrethit Gjyqësor Korçë, për veprën penale : “Drejtimi i automjeteve në mënyrë të parregullt” parashikuar nga neni 291 i Kodit Penal.

————–

Specialistët e Sektorit për Qarkullimin Rrugor në Korçë, bënë kapjen dhe arrestimin në flagrancë të shtetasit :

Thanas Kuqo, 56 vjeç, banues në fshatin Vloçisht–Maliq.

Arrestimi i tij u bë pasi, më datë 20.02.2017, pranë vendit të quajtur “Kryqëzimi i fshatit Libonik”, ky shtetas duke drejtuar në gjendje të dehur mjetin tip “Toyota”, me targë MIK 6983, është përplasur me mjetin tip “Honda” me targa AA 374 IR, me drejtues shtetasin A.O, 38 vjeç, banues në Pogradec.

Për pasojë ka marrë dëmtime ky i fundit si edhe shtetasi F.L, 31 vjeç, banues në fshatin Leshnicë-Pogradec, të cilët  ndodhen në Spitalin e Korçës, nën kujdesin e mjekëve.

Materialet i kaluan Prokurorisë të Rrethit Gjyqësor Korçë, për veprat penale : “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. 

(XH.A/SHUPLAKA)