Policia e Sarandës ka arrestuar një 35-vjeçar, shtetasin K. H., lindur në Fier dhe banues në Greqi, i cili u kap në flagrancë duke drejtuar një automjet pa leje drejtimi dhe duke tentuar të korruptonte punonjësit e policisë.
Ngjarja ndodhi gjatë patrullimeve të shërbimeve të patrullës “Shqiponja” në lagjen nr. 2, në rrugën “Vangjel Pandi”. Kur automjeti tip Seat, i drejtuar nga K. H., u ndal për verifikim, u zbulua se ai nuk kishte leje drejtimi dhe për të shmangur ndjekjen ligjore, ai ofroi 50 euro për të korruptuar policinë.
Pas arrestimit, materialet procedurale u referuan në Prokurorinë pranë Gjykatës së Shkallës së Parë të Sarandës për veprime të mëtejshme ligjore. Policia e Sarandës vazhdon përpjekjet për të garantuar zbatimin e ligjit dhe sigurinë rrugore, duke goditur çdo formë korrupsioni dhe shkeljeje të ligjit.
Njoftimi i policisë:
Specialistët për Hetimin e Krimeve në Komisariatin e Policisë Sarandë vunë në pranga K. H., 35 vjeç, lindur në Fier dhe banues në Greqi, pasi u kap në flagrancë duke drejtuar një automjet pa leje drejtimi dhe tentoi të korruptonte policinë.
Gjatë patrullimeve në lagjen nr. 2, në rrugën “Vangjel Pandi”, shërbimet e patrullës “Shqiponja” ndaluan për verifikim automjetin tip Seat, me drejtues shtetasin K. H.. Nga kontrollet, rezultoi se 35-vjeçari, drejtonte automjetin pa leje drejtimi dhe, për t’iu shmangur masave ligjore, tentoi të korruptonte punonjësit e policisë duke u ofruar 50 euro.
Policia e Sarandës vijon përkushtimin për të garantuar zbatimin e ligjit dhe sigurinë rrugore, duke goditur çdo tentativë për shkelje apo korrupsion.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme ligjore.
Discussion about this post