Policia në Tropojë ka vënë në pranga shtetasin Osman Brati, 58-vjeç, banues në Golaj, Has, i cili është aksidentuar pasi drejtonte mjetin në gjendje të dehur. Ngjarja ka ndodhur në vendin e quajtur “Kthesa e Lugut të thatë”, ku 58-vjeçari i shoqëruar nga një tjetër person, ka humbur kontrollin e mjetit “Volkswagen” për shkak se ishte nën efektin e alkoolit.
Për pasojë është përplasur me mjetin tip “BMW” që drejtohej nga shtetasi XH. S. Nga përplasja e mjeteve janë aksidentuar drejtuesi i mjetit që ka shkaktuar aksidentin, Osman Brati, i cili ndodhet në spitalin e Bajram Currit jashtë rrezikut për jetën dhe pasagjeri B.XH., 67 vjeç, banues në Krumë, Has, i cili është dërguar në Spitalin e Tiranës, fatmirësisht jashtë rrezikut për jetën.
Osman Brati është vënë në prangat e policisë nën akuzën e drejtimit të mjetit në gjendje të dehur dhe shkelje të rregullave të qarkullimit rrugor.
Discussion about this post