Një aksident me pasojë plagosjen e tre personave është shënuar së fundmi në Cërrik-Belsh, Elbasan. Policia lokale ka vënë në pranga drejtuesin e mjetit, shtetasin Lulëzim Kasa 43 vjeç, banues në Belsh.
Mësohet se i ndaluari drejtonte mjetin në gjendje të dehur në momentin që ka përplasur qytetarët. Teksa drejtonte mjetin tip “KIA” me targa AA052BF, ai është përplasur me një tjetër mjet që drejtohej nga shtetësja K. B. 21 vjeçe.
U aksidentua L. Kasa, B. T. 22 vjeçe dhe A. B. 18 vjeçe, pasagjere. Tre të plagosurit ndodhen në spitalin e Elbasanit, jashtë rrezikut për jetën. (XH.A/SHUPLAKA)
Discussion about this post