Ana Shehu është drejtoresha e Hipotekës së Sarandës që është arrestuar së fundmi nën akuzën e shpërdorimit të detyrës për shkak të përfshirjes në fushatë elektorale. Në reagimin e saj mbi shkarkimin si regjistruese e ZVRPP Sarandë, ajo flet për tendencë politike që hedh poshtë punën disa vjeçare të saj dhe shkruan se dalja e saj publike në krah të kandidatit për deputet përkon me ditë pushimi.
Nëse i hidhet një sy profilit të saj në rrjetet sociale, mund të dallohet lehtësisht mbështetja e madhe deri në adhurim, e shfaqur haptazi ndaj kryeministrit Rama, postimet e të cilit ajo është kujdesur të mos i lërë pasdore, por t’i shpërndajë në profilin e saj.
Postimet më të fundit janë të gjitha të shkëputura nga fushata elektorale e Partisë Socialiste, apo dhe komunikimet live të Ramës me qytetarët.
Adriana Shehu u ndalua nga policia teksa ishte duke pushuar me të bijën në Borsh. Flitet se si pasojë e tronditjes që ka pësuar, ajo është transportuar në spital për ndihmë mjekësore. Drejtoresha e arrestuar ka qenë e përfolur për korrupsion dhe nga ish-kryeministri Berisha, i cili e ka cilësuar si “Ndrikull të Korrupsionit” në Sarandë.
(XH.A/SHUPLAKA)
[ngg_images source=”galleries” container_ids=”2304″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
