Blerja e 1 miliard lekë aksione në një bankë të nivelit të dytë nga bashkëshortja e deputetit Alfred Peza ka qenë tëma kryesore e dy ditëve të fundit e axhendës mediatike.
Pas sulmeve të vazhdueshme ndaj deputetit, drejtoresha e “Open Data Albania” Aranita Brahaj, i ka dalë atij në mbrojtje.
Nëpërmjet një postimi në Facebook, Brahaj shprehet se para se të merremi me Pezën, duhet të llogarisim sa është paguar ai si drejtor i gazetës Korrieri dhe televizionit Ora News.
“Sot para se të merreni me Pezën, pyeteni sa është paguar si drejtor themeluesi i Korrierit dhe Ora Neës. Nëse paga e Pezës ka qene 5 – 10 mijë euro në muaj dhe interesat bankare në 2000 deri 2010 me 5- 7 % në vit … llogaria na perputhet ke vlerat e deklaruara.
Ndoshta ndonjerit nga ju nuk i del xhiro vjetore e medias sa paga vjetore e drejtorit ( i del me pak) . Po per kete pyesni kompetentin ( pronarin e medias).”, shkruan Brahaj. (D.D/Shuplaka)
Discussion about this post