Drejtoresha e Autoritetit për Informim mbi Dosjet e ish-Sigurimit të Shtetit, Gentiana Sula, ka thënë se spiunë të sigurimit të shtetit punojnë edhe në administratën e lartë.
Në një interviste per “Panorama” ajo thekson se deri janë bërë 183 kërkesa nga individë apo familjarë që duan të dinë për fatin e tyre apo familjarëve të tyre.
“Funksioni tjetër që ne kemi është verifikimi i pastërtisë së figurave të larta, publike. Deri më sot janë “pastruar” rreth 621 figura publike”thotë ajo.
Gjatë zgjedhjeve të qershorit 2017, vetëm dy parti politike u ofruan për pastërtinë e kandidatëve të tyre.
“Ka edhe institucione si Presidenca, Parlamenti, Ministria e Drejtësisë, Ministria e Jashtme dhe Ministria e Transportit, apo Avokati i Popullit, që për kandidatë në pozicione të larta, i janë drejtuar Autoritetit. Një informacion me rëndësi përbën edhe fakti që Akademia e Shkencave, në bazë të ligjit 45/2015, ka rregulluar statutin e vet dhe e ka futur në kriteret për akademikët e rinj, pastërtinë e figurës sipas kuptimit të këtij ligji.
Ajo ka thënë se shikohet një lloj ndjeshmërie nga ana e institucioneve por nuk jemi atu ku do donim.
“Shohim njëlloj ndjeshmërie në rritje nga ana e institucioneve, edhe pse nuk jemi aty ku do të donim. Për t’u shënuar është fakti që funksionarë të lartë, përfshi deputetë, si dhe qytetarë të thjeshtë, kanë aplikuar për vetëlustrim”- thote ajo.
Kur pyetet nëse ka njerëz të implikuar që mund të ketë gjetur institucioni që drejton ajo përgjigjet: “Po! Ka pasur njerëz që shfaqen në dokumentet e ish-Sigurimit dhe ne kemi informuar institucionet sipas rastit. Gjithsesi, shpreh bindjen që vetë Ligji mund të ketë pasur një efekt parandalues ndaj përfshirjes në karrierë të lartë të personave që i prek ligji” ka thënë ajo per “Panorama”. (B.H/Shuplaka)
