Komisioni hetimor për paijsen IMSI CATCHER, ka pasur në cilësinë e dëshmitarit sot të pranishëm Drejtorin e Përgjithshëm të Burgjeve Miklovan Kopani.
Po ndryshe nga dëshmitë e të tjerë përfaqësues të institucioneve, ai nuk ka thënë që informacionet do tia referojë Prokurorisë, por se ai nuk ka dijeni fare në lidhje me paisjen.
Madje Kopani ka vijuar më tej duke thënë se informacionin në lidhje me paisjen ai vetë e ka marrë nga mediat. Kjo lidhet edhe me faktin se emërimi i tij në krye të burgjeve ka ardhur kohë më voë se kjo paisje e shumëdebatuar të futej në vendin tonë.
Noka: Ju thatë se jeni njohur nga media për futjen e IMSI CATCHER?
Kopani: Nga moment që jam emëruar deri sot përveç informacioneve nga media, nuk kam dijeni në lidhje me paisjen.
Dogjani: A keni gjetur plane të hartuara nga drejtoria për matjen e lagështirës në Burgje?
Kopani: Më gjetët të papërgatitur me këtë pyetje pasi nuk e di nëse është kjo kompetencë e jona. Di që Drejtoria e Burgjeve ndërmerr nisma për dizefektimin apo mirëmbajtjen e ambjenteve, po nuk di të ketë matje për lagështirën.
Noka: Informacioni që na dha është i mjaftueshëm, pasi emërimi i zotit Kopani në krye të drejtorisë së burgjeve është më i vonë se hyrja e kësaj paisjeje në vendin tonë.
Ndërkohë që pas dëshmisë së Drejtorit Kopani, në Komision ka qenë i pranishëm edhe ish-drejtori i burgjeve i tyre Artur Zoto. Pyetjeve të komisionit ai është përgjigjur se kjo është një çështje që tashmë i takon organeve të hetimit siç është Prokuroria.
Noka: A keni dijeni për futjen e paisjes?
Zoto: Nuk kam dijeni për paisjen e përgjimit.
Noka: A e njihni ju personin që i është gjetur paisja?
Zoto: Policia e burgjeve ka rreth 3000 persona, nuk është e thënë ti njoh të gjithë.
Dogjani: A keni folur me personin në orën dy të mëngjesit?
Zoto: Nuk mund të mbaj mend çdo telefonatë që kam bërë kur kam qenë në krye të detyrës.
Dogjani: A është e vërtetë që Ministri i Brendshëm ta ka kërkuar në mënyrë shoqërore futjen e asaj makine në burg?
Zoto: Nuk kam pasur asnjë komunikim me Ministrin e Brendshëm, mund të merrni dhe zbardhni tabulatet telefonike.
Dogjani: Nuk thashë me telefon, po edhe në mënyra të tjera.
Zoto: Nuk kam pasur asnjë komunikim me Ministrin.
(E.K/SHUPLAKA)
Discussion about this post