Pas aksidentit të sotëm në Berat, ku drejtori i doganës së Beratit Mirjan Prifti përplasi tre familjarë, ka reaguar i fejuari i 19-vjeçares që mbeti e plagosur.
I riu ka kontaktuar me portalin “JOQ”, ku rrëfen se Prifti ishte me shpejtësi të lartë dhe i pirë në momentin e aksidentit të tmerrshëm, ku mbetën të plagosur i ati, e ëma dhe e fejuara e tij.
Nusja e re, vjehrri dhe vjehrra po udhëtonin nga Berati në drejtim të Durrësit, ku edhe banonin.
Shofere e automjetit tip “Opel” ishte 19-vjeçarja e cila ndodhet në spitalin rajonal të Beratit.
“Jam i fejuari vajzës që bëri aksident në Berat me “Opel” dhe djali i dy të moshuarve. Drejtori ka qenë me 168 km në orë, nën efektin e alkoolit dhe mbasi përplasi familjen time, në vend që ta ndihmonte, ai u arratis dhe pse ishte i pirë. Të lutem publikoje këtë sms ta lexojë ndonjë politikan dhe të vejë drejtësi për familjen time. Drejtori është hera e pestë që aksidentohet brenda 9 muajsh”, – shkruan i riu.
Djali tregon se e fejuara dhe i ati kanë trauma në kokë e në trup, por janë jashtë rrezikut për jetën. Ndërsa e ëma ndodhet në gjende të rëndë, me brinjë të thyera dhe hemorragji të brendshme, fraktura të rënda, çarje kafke si dhe mushkëri me gjak. (D.D/Shuplaka)
[ngg_images source=”galleries” container_ids=”764″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
