Policia Rrugore do të jetë në shërbim natën e ndërrimit të viteve, në krah të forcave të rendit.
Vetëm pak orë më parë, ishte Drejtori i Përgjithshëm i Policisë Rrugore Ardi Veliu, ai që deklaroi se policia ka kaluar në gatishmëri të plotë për menaxhimin e trafikut në këto ditë festash dhe parandalimin e aksidenteve rrugore.
Në një prononcim për “Ora News”, Veli deklaron se patrullat e rrugores dhe blutë e rendit do të jenë të pranishme në pikat më problematike përsa i përket trafikut dhe aksidenteve brenda qyteteve, si dhe në rrugët nacionale.
“Prej 10 ditësh ka kaluar në gatishmëri të përforcuar. Në komunikim të vazhdueshëm ditor me drejtoritë vendore të policisë ka bërë prezentë mënyrën e organizimit të shërbimit ku duhet të përqëndrohet vëmendja kryesore për organizimin e shërbimit. Alternimin e shërbimit jo vetëm fiks por edhe në lëvizje. Ndërkohë duke kërkuar edhe bashkëpunimin e shërbimeve të patrullave të rendit, duke u përqëndruar në zonat urbane dhe duke rritur prezencën e policisë rrugore në akset kryesore.”, ishin fjalët e Veliut.
Ndër të tjera, Veliu shprehet se do të ndëshkohen rëndë të gjithë shkelësit e rregullave të qarkullimit rrugor dhe të gjithë drejtuesit e mjeteve që abuzojnë me alkoolin.
“I gjithë shërbimi i policisë rrugore është i pajisur me dragera dhe do të përdori alkool testet dhe pasojat e përdorimit të alkoolit krahas gjobave shoqërohet dhe me pezullim të lejes.”, shton kreu i policisë rrugore. (D.D/Shuplaka)
