Drejtori i Rendit në Policinë e Shtetit, Gjovalin Loka konfirmon se grabitja e thasëve me para dy ditë më parë në Rinas, është kryer nga gjashtë persona. Sipas Lokës, policia po studion të gjitha pistat për identifikimin dhe kapjen e autorëve.
“Nga deklarimet e marra nga grupi hetimor deklarohet se kanë qenë gjashtë persona me dy automjete që kanë marrë pjesë në këtë grabitje. Sa i përket identifikimit dhe kapjen e autorëve, policia e shtetit ka hedhur pistat e saj dhe vazhdon punën intensive me gjithë strukturat më të specializizuara në bashkëpunim dhe me Prokurorinë e Krimeve të Rënda e cila do konkludohet me rezultatin final. Të gjitha pistat e mundshme janë duke u verifikuar”, tha Loka.
Discussion about this post