Drejtorja e USAID në Shqipëri, Catherine Johnson, ka marrë pjesë në një ceremoni të zhvilluar me rastin e 6-vjetorit të godinës së gjykatës, e vlerësoi si shumë të rëndësishëm këtë projekt që sipas saj do të krijojë me tepër akses të publikut dhe medias në gjykatë sipas kërkesave të reformës në drejtësi.
Ajo u shpreh se USAID do të vijojë bashkëpunimin me Gjykatën e Rrethit Gjyqësor të Korçës nëpermjet projektit Drejtësi për të gjithë.
“Sot jemi këtu për të hedhur një hap të ri që do i mundësojë gjykatës të zbatojë kërkesat dhe dispozitat e reformës së re në sistemin gjyqësor, sa i takon marrëdhënieve me median dhe publikun, dhe këto nuk janë tema të cilat duhen marrë lehtë. Gjykatat duhet të jenë të paanshme e d–uhet të zbatojnë ligjin sepse e drejta eshte themeli i demokracisë, por gjykatat duhet të jenë të aksesueshme dhe t’i përgjigjen qytetarëve të cilëve i shërbejnë.
Në Korçë ju i njihni këto parime dhe po i përqafoni fort ato. Prandaj ne jemi shumë të kënaqur që jemi partnerë me Gjykatën e Korçës për të ofruar asistencën teknike për krijimin e një udhëzuesi për komunikimin e marrëdhëniet me publikun. Ky udhëzues do të adresojë edhe detyrimet që janë të përcaktuara nga reforma në drejtësi dhe do të përfshijë praktikat më të mira botërore të gjykatave për strategjitë e komuikimit.”, u shpreh ajo.
Nga ana tjetër, Kryetari i Gjykatës, Admir Belishta, ka vlerësuar bashkëpunimin me USAID, ndër vite si dhe vazhdimësinë nëpërmjet projektit të ri Drejtësi për të gjithë:
“Gjykata e rrethit Gjyqësor të Korçës falë bashkëpunimit disavjeçar me USAID sot përdor regjistrimin audio dhe teknikat e menaxhimit të rasteve në të gjitha seancat gjyqësore. Në ceremoni u inagurua edhe këndi i kujtesës, një bllok fotografish mbi aktivitetet e gjykatës ndër vite.”
Drejtorja e USAID ka vizituar më pas edhe ambientet e gjykatës e në veçanti zyrën e Marrëdhënieve me Publikun e Median. (XH.A/SHUPLAKA)
[ngg_images source=”galleries” container_ids=”1064″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
