Drejtuesja e zyrës së Gjendjes Civile në Bashkinë e Tiranës, Eda Turku, ka qenë e ftuar pasditen e sotme në emisionin e Rudina Magjistarit.
Eda ka rreth 16 vjet që bën këtë punë dhe ka celebruar shumë çifte të dashuruarish, mes tyre edhe shumë politikanë të njohur shqiptarë.
Ajo ka kujtuar momentet e celebrimit të ish-kryeministrit Fatos Nano me zonjën e tij Xhoana Nano. Eda ka treguar se Nano e kishte marrë shumë seriozisht këtë ceremoni. Pavarësisht se emocionet nuk mungonin, ai dhe Xhoana janë treguar shumë të dashur. Madje ajo që e ka habitur zonjën Turku është fakti se ish-kreu i PS-së, pas celebrimit, ka qëndruar disa minuta me të dhe kanë biseduar për jetën e saj, celebrimet e tjera etj.
Një tjetër politikan i njohur që ka celebruar Eda Turka është edhe opozitari Lulzim Basha. Ajo e përshkroi Bashën si një person mjaft të kujdesshëm, detajist e perfeksionist në çdo detaj. Ajo ka rikujtuar gjithashtu se celebrimi i zotit Basha dhe bashkëshortes së tij, Aurela, është bërë më 8 maj.
Një tjetër rast që ajo përmendi ishte ai i deputetes Jorida Tabaku, e cila është celebruar kur ka qenë nënkryetare e bashkisë. Eda rikujton se ajo ishte mjaft e ndrojtur, por në sytë e saj dhe të bashkëshortit të saj kishte shumë dashuri atë ditë. (S.SH/Shuplaka)
Discussion about this post